Новостной портал
нового поколения

Қазақстанда 2,5 млн адам баспанаға зәру

Қазақстанда 2,5 млн адам баспанаға зәру

 Қазақстанда 2,5 миллион адам (халықтың 14 пайызы) баспанаға мұқтаж, - деп хабарлайды Tengrinews.kz тілшісі Ranking.kz сарапшыларына сілтеме жасап.

Сарапшылардың айтуынша, елімізде ЕЭК (Еуропалық экономикалық комиссия) стандарты бойынша тұрғын үйлер салу үшін Қазақстандағы тұрғын үй қоры алдағы 14 жылда екі есеге өсу керек. Алайда соңғы үш жылда бұл көрсеткіш орта есеппен 0,7 пайызға ғана көтерілген екен.

"Соңғы үш жылда еліміздегі құрылыс белсенділігі 40 пайызға өсіп, 2016 жылдың соңындағы мәліметтерге қарағанда, бір адамға 0,59 шаршы метрден келген. 2017 жылдың қаңтар-шілде айлары арасында 6,2 миллион шаршы метр пайдалануға берілді. Осы көрсеткішті сақтап қалу үшін жыл соңына дейін кем дегенде 6 миллион шаршы метр пайдалануға берілу керек", - дейді сарапшылары.

Сондай-ақ, сарапшылардың айтуынша, "Нұрлы жер" бағдарламасы бойынша 2018 жылдан бастап ауылдарда орналасқан жеке тұрғын-үй құрылысына назар аударылады.

"Қазіргі уақытта бюджеттік инвестициялар 73 миллиард теңгеге жетсе, шетелдік инвестициялардң көлемі 72 пайызға өсіп, 20,8 миллиард теңгеге жетті", - дейді сарапшылар.

 

 

 

Источник: ranking.kz

Comments (0)