Еліміздің тұңғыш президенті Нұрсұлтан Назарбаев коронавирус жұқтырғаны белгілі болды. Бұл туралы баспасөз хатшысы Айдос Үкібай Twitter парақшасында хабарлаған. "Өкінішке орай, оның соңғы тапсырған тест қорытындысы оң нәтиже көрсеткен. Алаңдауға еш негіз жоқ. Нұрсұлтан Әбішұлы қашықтықтан жұмыс атқаруда",-дейді ол.18 маусымдағы таңғы жағдай бойынша Қазақстанда COVID-19 жұқтырғандардың саны 15877-ге жетті, 6831 адам симптомсыз науқастар болса, 100 адам қайтыс болды.
