Ордабасылық оқушылар енді робот құрастырып, компьютерлік бағдарлама жасауды үйренеді

02 Желтоқсан, 2018 762 0

Ордабасы ауданындағы "Кәусар" мектеп гимназиясында алғашқы ІТ-сыныбы ашылды. 

«Балалар үшін тегін ІТ-сыныптар» партиялық бастамашыл жобасы аясында жүзеге асқан айтулы істе оқушылар мен ұстаздардың қуанышына ортақтасқан «Нұр Отан» партиясы ТОФ төрағасының орынбасары Қалыйма Жантөреева болды. Қ.Жантөреева бұл игілікке Елбасы Нұрсұлтан Назарбаевтың «Болашаққа бағдар: Рухани жаңғыру» бағдарламалық мақаласы аясында қол жеткізілгенін, мемлекет дамуының ендігі кезеңі «Цифрлы Қазақстан» жүйесімен жалғасатынын, ол үшін жастарға үлкен үміт артылатынын атап өтті. 

Өз кезегінде аудан әкімінің орынбасары Аңсарбек Әбдіқұлов бұл сыныптыжабдықтауға 9 млн.-нан астам қаржы қаралғанын, бағдарламалау мен робототехниканы тереңдетіп үйрету үшін информатика пәнінің мұғалімі арнайы курстан өткенін жеткізді. Бұл сыныпта күніне жалпы 48-60 бала Еуропалық білім беру стандарттары бойынша бағдарламалау және робототехника негіздерін оқыту, қарапайым алгоритмдерді, бағдарламаларды, WEB-сайттар, компьютерлік ойындар мен анимациялар құру дағдыларына үйрету жүзеге асырылады. 

"Нұр Отан" партиясы аудандық филиалы төрағасының бірінші орынбасары Бостандық Жәкей, аудандық білім бөлімінің басшысы Шұға Нұрабаева мектеп ұжымы мен оқушыларға сәттілік тілеп, елге тың жаңалықтармен танылуларына тілектестік білдірді.



Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.