​Гір тасын көтеруден күш сынасқан түлкібастық жасөспірімдер марапатталды

13 Желтоқсан, 2018 489 0

Түркістан облысы Түлкібас ауданында спорттық сайыс өтті, деп хабарлайды  аудандық дене шынықтыру және спорт бөлімі.

Түлкібас ауданында қарасты М.Жәрімбетов ауылындағы Алғабас спорт кешенінде Қазақстан Республикасының Тәуелсіздігі күні мерекесіне орай ұйымдастырылған гір тасын көтеруден жасөспірімдер арасында аудандық турнир өткізілді.

Аталған жарысқа Түлкібас ауданындағы мектептерден 15 команда қатысты. Кіл мықтыларды анықтайтын бәйгеге қатысушылар 9 салмақ дәрежесі бойынша күш сынасып, шеберлік деңгейлерін дәлелдеді. Жоғары деңгейде ұйымдастырылған жарыс өте тартысты әрі қызықты өтті.

Турнирдің жеңімпаздарын аудандық дене шынықтыру және спорт бөлімінің мамандары құттықтап, алдағы уақытта да спорт түрлерінің биік шыңынан көрінетіндеріне сенім білдірді. Ақылды күшке салатын сынға қатысқан спортшыларға арнайы медаль мен диплом табысталды.

Жарысқа келген қонақтар білегінің күші мен мықтылығын көрсеткен жасөспірімдерге алда өтетін жарыстарда биіктерден көріне берулеріне тілектестік білдірді.

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.