Лукашенко қандай жағдайда жаңа президент сайлауы өтетінін айтты

Беларусь президенті Александр Лукашенко елде жаңа Конституция қабылданғаннан кейін президент сайлауы өтуі мүмкін екенін мәлімдеді, - деп хабарлайды NewsRoom+ Ақпарат тілшісі Tengrinews.kz порталына сілтеме жасап. "Бізге жаңа Конституция қабылдау керек. Ол референдумда қабылдануы керек, өйткені біз бұрынғы Конституцияны референдумда қабылдадық және жаңа Конституция бойынша, егер қаласаңыз, Парламент, Президент және жергілікті билік органдарын сайлаймыз", - деді Лукашенко "Беларусь 24" телеарнасының" эфирінде. https://www.youtube.com/watch?v=X5wojjF9Ezk&feature=emb_title Еске салайық, Беларусь президентінің сайлауы 9 тамызда өткен болатын. Осы күннен бастап елде наразылық акциялары тоқтамай тұр, мыңдаған адам ұсталды, қайтыс болғандар мен зардап шеккендер бар. Ресми мәліметке сүйенсек, сайлаушылардың 80,1 пайызы Лукашенкоға, 10,1 пайызы Тихоновскаяға дауыс берді.