Жұртты дүрліктерген банк сервисінің жұмысы өз орнына келді, деп хабарлайды Newsroom+Ақпарат агенттігі. "Kaspi.kz қосымшасындағы барлық қызметтер жұмыс істеп тұр. Уақытша келтірілген қолайсыздықтар үшін біз шын жүректен кешірім сұраймыз және сүйікті клиенттерімізге: "Қолдау білдіргендері үшін рахмет!". 29 қазан мен 4 қараша аралығында Kaspi Gold және Kaspi Red арқылы Kaspi QR арқылы төлем жасаған кезде біз әр сатып алу үшін 5 пайыздық бонустар сыйлаймыз. Жөн-жосықсыз адамдардың жалған хабарламаларына назар аудармаңыздар. Біз әрдайым сүйікті клиенттерімізді әлеуметтік желілердегі ресми парақшаларымыз арқылы болған жағдайлар туралы шынайы ақпараттан құлақтандырып отыратын боламыз",- банк баспасөзінен.Бүгін таңертең халық "ақшамыз жоқ" деп біраз шу көтерген болатын. Оған себеп Kaspi банкінің техникалық ақауларға ұшырап, жинақтағы ақшаның жартысының жоғалуы. Қуанышқа орай қателік реттеліп, өз орнына келді.
