Маңғыстаулық дәрігерлер сәбидің денесіндегі үлкен ісікті алып тастады

13 Тамыз, 2019 149 0

Маңғыстауда бір жасар баланың денесінен үлкен көлемдегі ісік алынды, деп хабарлайды Stan.kz ақпарат агенттігі өңірдің денсаулық сақтау басқармасының баспасөз хатшысы Азамат Сәрсенбаевқа сілтеме жасап. 

«18 шілде күні Бейнеу ауылынан облыстық балалар ауруханасының қабылдау бөлмесіне 2018 жылғы қыз санавиациямен ауыр халде жеткізілді. Артық салмақ, жүрек айну, іштің үлкеюі сынды шағымдары болды», - деп жазды Азамат Сәрсенбаев желідегі парақшасында. 

Дәрігерлер тексеріс жүргізіп, кейін ішек қызметінің бұзылғанын анықтады. 19 шілдеде балаға 2,5 сағатқа созылған күрделі ота жасады. Нәтижесінде оның денесінен мамандар үлкен көлемдегі ісікті алып шықты. 

«Отаның күрделі болғанымен қоймай, бала одан кейін бір аптадай жансақтау бөлімінде аппаратқа қосылған күйде жатты. Бақытымызға орай, Маңғыстау облыстық аурухана дәрігерлері сәбидің өмірін құтқарып қалды. Дәл қазір баланың жағдайы жақсы, ауруханадан шығуға дайындалып жатыр», - деді баспасөз хатшысы. 

Әлеуметтік желі қолданушылары өз кезегінде мамандардың жақсы сөзге тұралық екенін жарыса жазды. 

Сурет: facebook.com/azamat.sarsenbaev


Тегтер: Маңғыстау, дәрігерлер, ісік, маман

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.