Оқиға 10 ақпанда Қарағанды облыстық ауруханасында тіркелген. Медициналық мекемеге тамақ жеткізетін «Маир Групп» компаниясына қатысты шағым түскен соң, аурухана басшылығы шұғыл шара қабылдаған.
Денсаулық сақтау басқармасының мәліметінше, сол күнгі дайындалған тәуліктік ас мәзірі толығымен ауыстырылып, пациенттерге жаңа тағам ұсынылған.
Сонымен қатар жеткізуші компанияға қатысты шағым санитариялық-эпидемиологиялық бақылау органдарына жолданды. Қазір оқиғаның мән-жайы тексеріліп жатыр.
