«ҚазАгроҚаржы» 2026 жылы агротехникаға 310 млрд теңге бөлмек
2026 жылы «ҚазАгроҚаржы» АҚ ауыл шаруашылығы техникасын жаңарту және өтінімдерді автоматтандыру арқылы АӨК-ті қолдауға бағытталған басты шараларын жүзеге асырады.
«Бәйтерек» Ұлттық инвестициялық холдингі құрамына кіретін «ҚазАгроҚаржы» АҚ 2026 жылға арналған стратегиялық мақсаттарын бекітті. Компанияның басты басымдықтары – агротехника паркін кең көлемде жаңарту, өтінімдерді толық автоматтандыру және жоғары табыстылықты сақтау.
2026 жылға арналған негізгі көрсеткіштер:
• Ауыл шаруашылығы техникасын қаржыландыру көлемі кемінде 310 млрд теңгені құрайды;
• Фермерлерге 12 950-ден астам заманауи ауыл шаруашылығы және арнайы техника беру жоспарланған;
• Өтінімдерді қарау жүйесін автоматтандыру компанияның басты технологиялық мақсаты ретінде белгіленген.
Сапа саласындағы жаңа саясат «ҚазАгроҚаржы» АҚ-ты Қазақстандағы агроөнеркәсіптік кешенді техникалық жаңғыртудағы негізгі серіктес ретіндегі миссиясын айқындайды. Сонымен қатар, 2026 жылға арналған стратегия:
• ESG принциптері негізінде негізгі процестерді орнықты дамыту;
• Тәуекелдерді басқару мен ішкі бақылау жүйесін жетілдіру;
• Тұтынушылық сұранысқа бейімделу және өнім берушілермен тиімді коммуникация орнату.
Осы шаралар фермерлердің заманауи техникаға қол жеткізуін қамтамасыз етіп, ауыл шаруашылығының тиімділігін арттыруға және сектордың тұрақты дамуына мүмкіндік береді.