Зымыран 45-алаңнан ұшырылып, сынақ барысында оның бірінші және екінші сатылары штаттық режимде жұмыс істеді. Габариттік-массалық макет белгіленген траекторияға сәтті жеткізілді.
«Бәйтерек» жобасы соңғы жылдардағы ең күрделі технологиялық жобалардың бірі болып саналады. Жоба аясында жоғары деңгейдегі қауіпсіздік пен автоматтандыру талаптарына сай заманауи инфрақұрылым қалыптастырылды. Сәтті ұшырылым Қазақстанның ғарыш саласындағы мүмкіндіктерін айқындап берді.
Жаңа кешен ғарыш аппараттарын ұшыру мүмкіндігін кеңейтіп, жаңа жұмыс орындарын ашуға және ғылымды дамытуға ықпал етеді. Ұшырылым барысында 40-тан астам техникалық жүйе үйлесімді жұмыс істеді.
РКЦ Прогресс әзірлеген «Союз-5/Сункар» зымыраны төменгі жер орбитасына 17 тоннаға дейін жүк шығара алады. Ол РД-171МВ және РД-0124МС қозғалтқыштарымен жабдықталған және «Фрегат» үдеткіш блоктарын қолдануға мүмкіндік береді.
Жоба экологиялық тұрғыдан да тиімді: отын ретінде керосин мен сұйық оттегі пайдаланылады.
