Катардағы газ өңдеу зауытындағы жарылыс салдарынан 13 адам қаза тапты
Катардың Рас-Лаффан өнеркәсіптік аймағындағы газ өңдеу зауытында болған жарылыс салдарынан кемінде 13 адам қаза тауып, тағы 66 адам жарақат алды,— деп хабарлайды newsroom.kz
«Рас-Лаффандағы зауытта болған оқиға салдарынан 13 адам көз жұмып, 66 адам зардап шекті», – деді ол.
Сондай-ақ, оқиғаның диверсиялық әрекет емес, жазатайым оқиға екенін атап өтті.
QatarEnergy компаниясының басшысы жарылыстың табиғи газ экспорттау жұмыстарына әсер етпейтінін мәлімдеді.
Бұған дейін Катардың Ішкі істер министрлігі жексенбі күні кешке болған жарылыс салдарынан 54 адамның зардап шеккенін және 18 адамның із-түзсіз жоғалғанын хабарлаған болатын.
Оқиғаның мән-жайы анықталып жатыр. Құзырлы органдар тергеу жұмыстарын жүргізуде.