Үндістанда су тасқыны салдарынан 10 адам қаза тапты
Үндістанның Раджоури және Пунч шекара маңындағы аудандарында нөсер жаңбыр, су тасқыны және көшкін салдарынан кемінде 10 адам қаза тауып, тағы бірнеше адам із-түзсіз жоғалып кетті,— деп хабарлайды newsroom.kz
Report агенттігінің India Express басылымына сілтеме жасап хабарлауынша, сел тасқындары салдарынан аталған өңірлердегі көптеген үйлерді су басып, жергілікті инфрақұрылымға айтарлықтай зиян келген.
Іздестіру-құтқару жұмыстарына жедел әрекет ету күштері, полиция және басқа да тиісті қызметтер жұмылдырылған. Қаза тапқандардың арасында әйелдер мен балалар да бар.
Лоуэр-Мурр ауданында көшкін салдарынан үйі қирап, бір отбасының алты мүшесі із-түзсіз жоғалып кеткен.
Өзен жағасында орналасқан Белла-Колони ауданында тұратын жүздеген отбасы үйлерін су басуына байланысты қауіпсіз жерлерге эвакуацияланды.