Оқиға Қаратау жолында болған. Төтенше жағдай туралы хабарлама «112» пультіне түскен. Құтқарушылар келген кезде жүк көлігі мен бұрғылау техникасы ашық жалынмен жанып жатқан.
Алдын ала мәлімет бойынша, газ құбыры жер жұмыстарын жүргізу кезінде көлденең бағытталған бұрғылау салдарынан зақымданған. Соның нәтижесінде газдың шығуы мен тұтануы болған.
Газ қызметі құбырдағы газ беруді дереу тоқтатқан. ТЖМ қызметкерлері газ құбырын салқындатып, өртті толық сөндірді. Жалынның жақын орналасқан үйлерге таралуына жол берілмеді.
Алдын ала ақпарат бойынша, оқиға салдарынан шамамен 1500 жеке үй, жеті көпқабатты үй, 11 коммуналдық-тұрмыстық нысан және тоғыз өнеркәсіптік кәсіпорын газсыз қалған.
Апат салдарынан зардап шеккендер жоқ. Қазір газ құбырындағы ақауды жою және газ беруді қалпына келтіру жұмыстары жүргізілуде.
