Қазақстан қор биржасындағы (KASE) күндізгі сауда қорытындысы бойынша 2 қазанда доллардың орташа өлшенген бағамы 447,73 теңге болды. Бұл алдыңғы көрсеткішпен салыстырғанда 5,47 теңгеге жоғары.
Ұлттық банктің 2 қазандағы ресми бағамы 1 доллар үшін 441,91 теңге болып белгіленді.
Бұған дейін теңге біршама нығайып, KASE саудасында доллар 440 теңгеден төмен түскен еді.
Сол кезеңде валюта бағамының қозғалысы ішкі валюта нарығындағы ахуалмен, шетел валютасына деген сұраныстың өзгеруімен және доллар ұсынысы мен сұранысының арақатынасымен түсіндірілген.
Теңгенің нығаюы аясында Ұлттық банк те валюта нарығындағы жағдайға қатысты мәлімдеме жасап, бағамның қалыптасуына нарықтық факторлар әсер етіп отырғанын атап өткен болатын.
