Атыраудағы жұмбақ өлім: шенеуніктің қазасына қатысты қылмыстық іс қозғалды
Атырауда әлеуметтік қорғау саласында жоғары лауазымды қызмет атқарған Бауыржан Асаиновтың мәйіті табылды. Алдын ала мәлімет бойынша, ол көз жұмғаннан кейін шамамен екі апта өткен соң анықталған болуы мүмкін. Бұл туралы Newsroom.kz хабарлайды.
Шенеуніктің денесі 18 қазанда өз пәтерінен табылған. Әріптестері оның қайтыс болғанын растап, некролог жариялаған.
Марқұм мен оның ағасы арасында жанжал болуы мүмкін. Болжам бойынша, екеуі бірге ішімдік ішіп, кейін сөзге келген. Нұсқалардың біріне сәйкес, ағасы шенеунікті ұрып, ол әлі тірі кезінде пәтерден шығып кеткен болуы мүмкін.
Алайда бұл ақпарат ресми түрде расталған жоқ. Оқиғаның нақты мән-жайы тергеу барысында анықталмақ.
Атырау облысының полиция департаменті аталған факті бойынша қылмыстық іс қозғалғанын және тергеу амалдары жүргізіліп жатқанын хабарлады.
Қазіргі уақытта оқиғаның өзге мән-жайлары ресми түрде жарияланған жоқ.