iPhone Duo бірнеше рет бүктелгеннен кейін істен шығып жатыр
Жаңа жиналмалы iPhone Duo смартфонын алғаш сатып алған кейбір пайдаланушылар құрылғының ішкі экранында жарықтар мен сызықтар пайда болғанын хабарлады.Бұл туралы Newsroom.kz хабарлайды.
Сатылым басталған алғашқы күндері iPhone Duo иелері Reddit пен TikTok әлеуметтік желілерінде шағымдарын жариялай бастаған. Кейбір қолданушылар экранның құрылғыны бірнеше рет бүктегеннен кейін, тіпті алғашқы сағаттарда-ақ зақымданғанын айтқан.
Apple компаниясы ақау смартфондардың аз ғана бөлігінде анықталғанын растады. Компания ақауы бар құрылғы иелеріне AppleCare қызметіне хабарласып, смартфонды ауыстыру мәселесін шешуге кеңес берген.
Қазақстанда iPhone Duo смартфонына алдын ала тапсырыс 23 қазанда ашылды. Ал еркін сатылым 30 қазанда басталуы тиіс. Құрылғының бағасы жады көлеміне байланысты 1,4 миллионнан 2,3 миллион теңгеге дейін жетеді.