Жаңаөзеннің экс әкіміне қатысты тергеу жүргізіп жатыр
Қазақстанның Ұлттық қауіпсіздік комитеті Жаңаөзен қаласының бұрынғы әкімі Жансейт Қайнарбаевқа қатысты сотқа дейінгі тергеп-тексеру жүргізіп жатыр. Ведомство іс бойынша өзге мәліметтерді жарияламады. Бұл туралы Newsroom.kz хабарлайды.
ҰҚК тергеу жүргізіліп жатқанын растаған. Алайда Қазақстан Республикасы Қылмыстық-процестік кодексінің 201-бабының 1-бөлігіне сәйкес, істің өзге мән-жайлары жария етілмейді.
Бұған дейін әлеуметтік желілерде Жансейт Қайнарбаевтың ұсталғаны және оның адам ұрлау дерегіне қатысы болуы мүмкін екені туралы ақпарат тараған. Алайда бұл мәліметтерді ҰҚК ресми түрде растаған жоқ.
Жансейт Қайнарбаев 2024 жылғы ақпаннан 2026 жылғы қыркүйекке дейін Жаңаөзен қаласының әкімі қызметін атқарған. Биыл қыркүйекте ол Маңғыстау облысы Қарақия ауданының әкімі болып тағайындалған.