«ҚТЖ» басшысын ұстауға қатысты компания құқық қорғау органдарымен жұмыс істеп жатыр
«Қазақстан темір жолы» ұлттық компаниясы құқық қорғау органдарына жан-жақты қолдау көрсетіп жатқанын мәлімдеді. Компания қазіргі кезде өз жұмысын штаттық режимде жалғастырып отырғанын хабарлады.
«Қазақстан темір жолы» ұлттық компаниясы құқық қорғау органдарына жан-жақты қолдау көрсетіп, қажет ақпарат пен материалдарды қолданыстағы заңнама аясында ұсынып жатқанын хабарлады.
Компанияның баспасөз қызметі 2026 жылғы 12 қарашада жарияланған, «ҚТЖ» басқарма төрағасы мен «Самұрық-Қазына» басқарма төрағасының ұсталғаны туралы мәліметті назарға алғанын жеткізді.
«Қазіргі сәтте «ҚТЖ»-да бұл мәселе бойынша жарияланған ақпараттан өзге мәлімет жоқ. Қазақстан Республикасының Қылмыстық-процестік кодексінің 201-бабына сәйкес, сотқа дейінгі тергеп-тексеру деректері жария етілмейді. Сондықтан бұл кезеңде қосымша түсініктеме бере алмаймыз», — делінген ресми хабарламада.
Сонымен бірге ұлттық компания мен оның тобына кіретін ұйымдар жұмысын қалыпты режимде жалғастырып жатқанын мәлімдеді.
«ҚТЖ» барлық міндеттемелерінің инвесторлар, кредиторлар, халықаралық қаржы институттары және іскер серіктестер алдындағы күшінде екенін және қолданыстағы келісімдерге сәйкес орындалып жатқанын растайды.