Тізімге Еуропа, Азия, Африка және Латын Америкасындағы командалар енген. Бағалау кезінде ұлттық чемпионаттардағы, ел кубоктарындағы және халықаралық турнирлердегі көрсеткіштер ескерілген.
Алматылық Қайрат рейтингте 240-орынға жайғасып, 90,75 ұпай жинады. Осылайша «Қайрат» аталған тізімге енген Қазақстандағы жалғыз клуб атанды. Былтыр команда 234-орында тұрғанымен, биыл да әлемнің мықты ұжымдарының қатарында қалды. Айта кетейік, осы маусымда «Қайрат» өз тарихында алғаш рет УЕФА Чемпиондар лигасы жалпы кезеңінде өнер көрсетіп жатыр.
Рейтингтің көшін Пари Сен-Жермен бастаса, одан кейін Реал Мадрид пен Челси орналасты. Алғашқы ондыққа сондай-ақ Интер, Бавария, Барселона, Арсенал, Фламенго және Боруссия Дортмунд кірді.
