«Сны реки» атты деректі фильм Berlin International Film Festival аясында Экуменикалық қазылар алқасының жүлдесіне ие болды. Картина Forum Special бағдарламасында әлемдік тұсаукесерін өткізген.
Фильмнің режиссері — Кристина Михайлова, продюсері — Дана Сабитова. Қазылар алқасы туындыны Қазақстандағы жас әйелдердің өмірі, гендерлік стереотиптер мен зорлық-зомбылық тақырыбын батыл көтергені үшін жоғары бағалаған. Сондай-ақ өзен бейнесі үміттің символы ретінде сәтті қолданылғаны атап өтілді.
Көрсетілімдер Zoo Palast және Delphi-Filmpalast кинотеатрларында өтті. Екі зал да лық толған. Сеанстардан кейін режиссермен ашық пікірталастар ұйымдастырылған.
Сыншылар фильмді «патриархалдық қоғамдағы өмір туралы әмбебап үндеуі бар феминистік манифест», «аса талантты режиссердің қуатты жұмысы», «поэзияға, ашу мен юморға толы туынды» деп бағалады.
