15 наурыз – ел тарихындағы маңызды таңдау жасалатын айтулы күн. Мемлекет басшысының 2026 жылдың 15 наурызында республикалық референдум өткізу туралы қабылдаған шешімі жай ғана заңды акт емес. Бұл – халыққа, әрбір азаматтың жауапкершілігіне бағытталған жоғары сенім.
Кино саласының өкілдері бұл тарихи сәтте қоғамның әр мүшесі елдің болашағына бейжай қарамай, өз азаматтық ұстанымын білдіруі маңызды екенін айтады. Өйткені бүгінгі таңда қабылданатын шешімдер Қазақстанның алдағы онжылдықтағы даму бағыты мен стратегиялық миссиясын айқындайды.
Олардың айтуынша, референдум – халықтың еркін білдіретін маңызды демократиялық құрал. Сондықтан әрбір азамат елдің болашағына қатысты жауапты таңдау жасауға үлес қосуы қажет.
Қазақ киносы өкілдері 15 наурызда өтетін республикалық референдум елдің болашағын айқындайтын маңызды кезең екенін атап өтті.
