Қазақстан Республикасы Төтенше жағдайлар министрлігінің мәліметінше, оқиға «Казцинк» кәсіпорнындағы шаң ұстау құрылғыларының бірінде болған. Жарылыстан кейін өрт тұтанып, нысанның бір бөлігі ішінара қираған.
Оқиға орнына құтқарушылар жедел жетіп, жедел штаб құрылды. Қазіргі уақытта зардап шеккендер туралы ақпарат нақтыланып жатыр.
Сонымен қатар Экология департаментінің мамандары атмосфералық ауаның жағдайын тексеруді бастады. Өнеркәсіп аймағында бұлт тәрізді түзілім байқалып, санитарлық-қорғау аймағының шекарасында ауа сапасына өлшеу жұмыстары жүргізілуде.
