Түркістан қаласының бас жоспары талқыланды

27 Қараша, 2018 1683 0

Бүгін Түркістан облысының әкімі Жансейіт Түймебаевтың төрағалығымен Түркістан қаласының бас жоспары талқыланды. Жиында сөз алған аймақ басшысының бірінші орынбасары Қайрат Нүкенов жобалардың орындалу барысын баяндады. Бұл туралы newsroom+ порталы Түркістан облысы әкімінің баспасөз қызметіне сілтеме жасай отырып хабарлайды.

«Қазіргі уақытта облыс орталығында бой көтеретін жаңа әлеуметтік және мәдени нысандарының концепт-эскиздерін дайындауға бағытталған «TURKISTAN ARCHITECT AWARDS» халықаралық сәулет конкурсына ұсынылған жұмыстар іріктелуде. Елбасы тапсырмасы бойынша салынатын нысандарға жауапты әр облыс әкімдіктері мен ірі компаниялардың өкілдерімен бірлесе отырып жол картасы әзірленді. Нысандар орналасатын аумақтарда жер бөлу жұмыстары жүргізілуде», – деді Қайрат Теміршотұлы.

Өз кезегінде облыс әкімі жұмыстардың сапалы әрі уақытылы орындалу керектігін атап өтті.

«Әр жобаның орындалу барысы тұрақты түрде баяндалып тұрсын. Өз тарапымыздан атқарылатын жұмыстар толығымен орындалсын. Құрылыстың сапасына және мерзіміне аса мән берілу керек. Елбасының Түркістанды дамыту бойынша берілген тапсырмасын тиянақты орындау тиіспіз», – деді Жансейіт Қансейітұлы.

Кездесу соңында қала әкіміне, облыстық құрылыс басқармасы мен сәулет және қала құрылысы басқармасының басшыларына, жауапты тұлғаларға бірқатар тапсырмалар берілді.

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.