«Тәуелсіздік – Мәңгілік ел тұғыры»: түркістандық оқушылар тәуелсіз жылдар тарихымен танысты

12 Желтоқсан, 2018 475 0

Түркістан қаласының Абай атындағы мектеп-интернатында «Тәуелсіздік – Ұлы дала ұрпағына аманат» көрмесі мен «Тәуелсіздік – Мәңгілік ел тұғыры» атты мерекелік іс-шара өтті, деп хабарлайды ERNUR.KZ.

Салтанатты жиынды қорық-музейдің ғылыми зерттеу бөлімінің меңгерушісі Берік Байболов пен Абай атындағы мектеп-интернатының директор орынбасары Сұлтанов Махмуд Уайсулы ашып берді.
Көрмеге музей қорынан 50-ге жуық суреттер мен кітаптар қойылып, Тәуелсіз жылдардың бел-белестері және Елбасы Нұрсұлтан Әбішұлы Назарбаевтың Түркістанға сапарлары, әр жылғы Жолдаулар мен түрлі бағдарламалар негізінде музейде жасалған тың серпілістер жөнінде кеңінен мағлұмат беріліп, таныстырылды.

Шара мектеп өнерпаздарының концерттік бағдарламасына ұласып, жас дарындар патриоттық әндер айтып, күйлер орындады.

Жиын барысында Абай атындағы мектеп-интернатының директоры Шынар Тілеубергенова «Әзірет Сұлтан» қорық-музейіне 40 жыл» мерекелік медалі және музейдің баспа өнімдері, шарада өнер көрсеткен оқушылар мен ұстаздарға «Әзірет Сұлтан» қорық-музей әкімшілігі атынан алғыс хаттар табысталды.

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.