Қазығұрттық кәсіпкер жылына 1 мың тонна өсімдік майын өндіреді

05 Наурыз, 2019 1884 0

Түркістан облысы Қазығұрт ауданы Шарбұлақ ауылдық округіндегі «Сапа 2002» жауапкершілігі шектеулі серіктестігі ауыл шаруашылығының бірқатар бағытын қатар жүргізіп отыр. Соның бірі – өсімдік майын өндіру. Жобаның жалы құны – 112,5 млн. теңге. Өндіріс орны өсімдік майынан жылына 1000 тонна тауар шығаруға қауқарлы. Бұл туралы облыс әкімдігінің баспасөз қызметіне сілтеме жасап, newsroom.kz хабарлайды.

Мекеме басшылығы ісінің ілгерілегенін мемлекет тарапынан көрсетілген көмектер мен жеңілдіктермен байланыстырады.

«Бізде шығарылған өнім елімізден бөлек, Қытай Халық Республикасының нарығына шығарылуда. Мұнда 22 адам жұмыс істейді. Орташа айлық жалақы 70 000 теңге шамасында. Жоғары сапада шығарылатын тауарға деген сұраныс күшті, әлі де артып келеді. Айта кету керек, бұл жерде кәсіпкерлікті қолдауға бағытталған мемлекеттік бағдарламалардың көмегі мол болды. Ендігі мақсат – осы жобаның ауқымын кеңейте түсу», – деді кәсіпорын директорының орынбасары Ерәлі Аширов.

Одан бөлек, қожалық мал бордақылаумен де айналысады. Бүгінде жалпы 10 мың бас қойды бордақылауға арналған алаң салынған. Бордақыланған малдың еті елімізден бөлек Ресей, Өзбекстан елдеріне экспортталуда. Мұнда асыл тұқымды қазақтың қылшық жүнді құйрықты және меринос қойларын өсірілуде. Қазіргі таңда қожалықта 4 683 бас меринос қойы, 3 864 бас қазақтың қылшық жүнді құйрықты қойы, 300 бас жылқы, 350 бас ірі қара, бар.

Айта кетейік, шаруашылықты ірілендіру мақсатында «ҚазАгроҚаржы» акционерлік қоғамынан жыл сайын жаңа техникалар лизинг негізінде сатып алынады.

Тегтер: түркістан, қазығұрт, кәсіпкер

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.