Жүкті әйелдер 425 мың теңгені қашан және қалай ала алады?

05 Сәуір, 2019 827 0

NewsROOM+. Қазақстанның денсаулық сақтау министрлігіндегілер жүкті әйелдердің қандай шарттарды орындағанда және жүктіліктің қандай мерзімінде 425 мың теңгелік төлемді ала алатынын түсіндіріп берді, деп хабарлайды Tengrinews.kz порталына сілтеме жасап Stan.kz.

Денсаулық сақтау министрлігінің заң департаментінің директоры Талғат Тұрмағамбет аталған ұсыныстың әлі қабылданбағанын және қаралатынын атап өтті. 

Ұлттық ғылыми онкологиялық орталық төрағасының орынбасары Гүлнар Құлқаева 425 мың теңге көлеміндегі төлемді жүктілігінің 12-аптасына дейін тіркеуге тұрған әйелдер ала алатынын айтты. 

«Әйел тіркеуге тұра салысымен оған сол ақша беріледі деп ойлаудың керегі жоқ. Ол ақшаны жүктілігінің соңында алады», - дейді спикер.

Сонымен қатар ол аталған төлемді болашақ аналардың бәрі ала алатынын атап өтті. Бұл мәселеде әйелдің әлеуметтік статусы ескерілмейді. 






Тегтер: қазақстан, жүктілік, төлем

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.