Нұр-Сұлтандық баланың ауыр тағдыры елдің назарын аударды

04 Мамыр, 2019 861 0

NewsROOM+. Денесін күйік шалған балаға астаналықтар қол ұшын созып жатыр.

"Шапағат" республикалық жобасының жетекшісі Назгүл Мағжан Facebook-тегі парақшасында елордалық Данилдың ауыр тағдыры туралы жазды.

Оның баяндауынша денесін күйік шалған Данил осы жылдың 8 қаңтары мен 13 ақпаны аралығында реанимация бөлімінде ем алған. Сол уақыт аралығында оған теріні ауыстыру ем-шарасы қолданды, бірнеше ай өткен соң қайта ота жасалған. Бала 70 наркоз қабылдаған, деп хабарлайды Елорда Инфо.

Данилдың анасының бар үміті америкалық дәрігерлерде, ол үшін кезекке де тұрған. Әрине, бұл жердегі басты кедергі қаржыға келіп тіреледі. Анасы Инараның айтуынша оқыс оқиға үйде ересектер жоқ кезде болған.

Қазіргі күні Данил біреуінің бағасы 6 мың теңге тұратын MEPIFORM пластырын қолданып жүр, ол жараның тыртығын кетіруге көмектеседі. 10 күнге 40 пластырь кетеді екен, жалғыз басты ана үшін бұның өзі қалтаға ауыр тиюде. Осы тұрғыда зардап шеккен баланың анасы қайырымды жандардан пластырь сатып алуға қол ұшын созуды сұрайды. Сонымен қатар отбасына азық-түліктей де көмек қажет.

Назгүл Мағжанның Facebook-те Данилдың ауыр жағдайы туралы жазғаннан кейін қайырымды жандар қол ұшын соза бастаған. Алғашқы уақытта 138000 теңге ақшалай қаржы жиналып, одан бөлек 35 дана пластырь сатып алып берген. Дәл қазірі уақытта есепшотқа 491 991 теңге келіп түскен.

Тағы бір жағымды жаңалық бейтаныс азамат Брюссельден пластырь беріп жіберетінін айтып қуантқан.

Қазір Данил өзін жақсы сезінеді, дегенмен жара тыртығы әлі де болса балаға тыныштық бермей тұр.

Данилге күйікпен күресу үшін дәрігерлер радон суы емін қабылдауды ұсынған.  Қайырымды жандар жазғы уақытқа  Алакөлге екі реттік жолдама алып берген.

Одан бөлек, Назгүл Мағжанның мәліметіне сүйенсек, бүгінде қалалық Жәрдем клиникасының басшылығы баланы өз қарауына алған.  


Дереккөз: Sputnik

Тегтер: нұр-сұлтан, күйік, бала, жарақат, реанимация

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.