Қазақстан Қытайдан 20 жылға несие алады

18 Маусым, 2019 1676 0

NewsROOM+. Қазақстан президенті Қасым-Жомарт Тоқаев Қытайдан жеңілдетілген несие алу туралы  келісімді мақұлдады. Енді Қазақстан Қытайға 20 жыл несие төлейтін болады, деп жазды Abai.kz.

Бұл құжатқа алғаш Бейжіңде өткен кездесу барысында  экс-президент Н.Назарбаев  қол қойған. 2018 жылдың 7-маусым күні өткен кездесуде қос тарап сауда-саттық, инвестиция мен индустрализация, ауыл шаруашылығы мен көлік-транзиті секілді салаларды талқылаған.

Айта кетейік, негіздемелік келісімге сәйкес, Қазақстан Қытайдан 2 млрд юань, яғни, 112,6 млрд. теңге мөлшерінде жеңілдетілген несие алады.
Қаржы министрлігінің мәліметіне сәйкес, несие теңгемен берілуі тиіс. Бірақ юаньмен есептеліп, 20 жылға 2% үстемемен беріледі.

«Біз алғашқы бес жылда тек пайыздық мөлшерлемені төлейміз. Ал, қарыздың негізгі сомасын  алтыншы жылдан бастап, соңғы 20 жылға дейін өтейтін боламыз», - деді қаржы министрі.

Еске сала кетейік, бұл қарыз ЕЭО-ның сыртқы шекарасындағы қазақстандық учаскеде өткізу пункттерінің кедендік инфрақұрылымын жақсарту мақсатында алынған.

Тегтер: Қазақстан, қытай, несие, ақша, пайыз, ЕЭО

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.