Бүгін «Қазақстан Республикасы Ақпарат және қоғамдық даму» министрлігінің қолдауымен Түркістан қаласында «ОTAUFEST» жас отбасылар фестивалі өтті.
Фестивальдің мақсаты - жастар арасында отбасы институтын және отбасылық құндылықтарды нығайтуға ықпал ету, оларды насихаттау, бір ұяның мүшелерін жақындастыру және біріктіру.
Фестивальға облыс бойынша 29 жасқа дейінгі кез-келген елден келген ерлі-зайыптылар қатысты.
Облыстық «ОTAUFEST» фестивалінің жеңімпазы болып Сайрамдық Байпановтар отбасы атанды.
Іс-шара ZOOM платформасында онлайн форматта өтті. Фестивальдің ерекшелігі әлеуметтік белсенділігімен ерекшеленетін, спортпен, шығармашылықпен және сүйікті ісімен айналысатын, балалардың, оның ішінде қамқорлықтағы балалардың білім алуына көп көңіл бөлетін 29 жасқа дейінгі қазақстандық жас отбасыларға баса назар аударылды.
Алғаш өткізіліп жатқан байқауға облыс бойынша 16-дан астам отбасы қатысқан болатын. Өнегелі өмірімен көпке үлгі бола білген жарасымды жас жанұяны облыс әкімінің орынбасары арнайы құттықтап, бағалы сыйлықтар табыстады.
Сайрам ауданы әкімінің баспасөз қызметі
Астана: --°C 