Оңтүстік Кореяның TV Сһоѕun телеарнасының мәліметі бойынша, өткен айда Солтүстік Корея осы жылдың шілде-тамыз айларында елдің солтүстік-батысын шарпыған "су тасқынына жауапты" 20-30 шенеунікті өлім жазасына кесті,- деп хабарлайды newsroom.kz
"Шамасы, Солтүстік Корея билігі өткен айдың соңында 20-дан 30-ға дейін адамды өлтірді... олардың арасында провинция губернаторына тең фигура болды", - делінген басылымда.
Атап айтқанда, шенеуніктер су тасқынынан зардап шеккен Джаган провинциясындағы Кореяның Еңбек партиясының бұрынғы хатшысы Кан Бон Хунмен байланысты болды. Ол бұған дейін әскери өнеркәсіп министрінің орынбасары қызметін атқарған.
Сондай-ақ, Yonhap мәліметтері бойынша, Оңтүстік Кореяның ұлттық барлау қызметі өлім жазасының белгілері анықталғаннан кейін жағдайды мұқият қадағалап отырғанын айтты.
Айта кетелік, Басылым шілде айының соңында партияның Саяси Бюросының шұғыл отырысында Солтүстік Кореяның көшбасшысы Ким Чен Ын шенеуніктерді Солтүстік Джаган мен Солтүстік Пхенган провинцияларындағы аудандарды су басқан және мыңдаған адамдардың қоныс аударуына әкелген нөсер жаңбырдан болған залал үшін жазалайтынын айтты. Нөсер жаңбырдың салдарынан болған су тасқыны 1,5 мыңға дейін адамның өмірін қиды.
