Ведомство 21 ақпанда автобустың бағанаға соқтығысуы салдарынан №1 көпсалалы қалалық ауруханаға 15 адам түскенін еске салды. Тексеріс нәтижесінде сегіз адам дәрігерлердің ұсынысымен амбулаторлық ем алуға үйлеріне жіберілді.
"Жеті науқас одан әрі емделу үшін ауруханаға жатқызылды, оның төртеуіне ота жасалды. Барлық науқастар тұрақты дәрігерлердің бақылауында және толық көлемде қажетті ем қабылдауда", - деп хабарлады Астана денсаулық сақтау басқармасы.
