Дәрігерлердің айтуынша, қыз босанғаннан кейін көп ұзамай перзентханадан шығып кетіп, баласын алып кетпеген. Оқиға болғанына 20 күн өтсе де, нәрестеге ешбір туыс не заңды өкіл келмеген.
Қазір сәби қалалық ауруханада тексеруден өтіп жатыр. Дәрігерлер оның жағдайын тұрақты деп бағалайды, барлық қажетті медициналық көмек толық көрсетілуде.
Медициналық мекеме мамандары баланың болашақ қауіпсіздігін қамтамасыз ету мәселесімен айналысып жатыр. Нәрестені уақытша қамқорлыққа беру немесе басқа да орналастыру жолдары қарастырылып жатыр.
Оқиға туралы тиісті мемлекеттік органдарға хабар берілген. Әлеуметтік қызметтер мен қамқоршылық органдары заңға сәйкес әрі қарайғы шешім қабылдайтын болады.
