Трамптың мәлімдеуінше, АҚШ Гренландияға «жеңіл немесе күрделі жолмен» иелік етуге дайын.
«Ресей мен Қытайдың Гренландияны бақылауына жол бермеу үшін АҚШ бұл аралға иелік етуі қажет», — деді президент.
Бұған дейін Ақ үй өкілдері Данияға қарасты жартылай автономды аумақ — Гренландияны сатып алу мүмкіндігін қарастырып жатқанын, тіпті күш қолдану нұсқасы да жоққа шығарылмайтынын мәлімдеген болатын. Трамп аралдың АҚШ қауіпсіздігі үшін стратегиялық маңызы зор екенін атап өтті.
Қазіргі уақытта Гренландия аумағында 100-ден астам америкалық әскери қызметкер орналасқан. Даниямен жасалған келісімдерге сәйкес, Вашингтон әскери қатысуын арттыра алады. Алайда Трамптың пікірінше, бұл жеткіліксіз.
