Президенттің айтуынша, нағыз патриот – өз ісіне жауапкершілікпен қарап, қай салада болмасын қызметін адал атқаратын адам. Бұл тек әскери қызметке ғана қатысты емес, университеттер, мектептер, ауруханалар, кәсіпорындар немесе мемлекеттік органдардағы қызметкерлерге де қатысты.
«Патриот дегеніміз – өз жұмысын кез келген орында, қандай мамандықта болмасын, адал атқаратын адам. Жұмыстың жаманы болмайды», – деді Мемлекет басшысы.
Қасым-Жомарт Тоқаев әрбір азамат өз міндетін жан-жақты атқаруы тиіс деп есептейді. Ол кәсібилік пен жауапкершілік ұстанымы қоғамдағы еңбекқорлық пен адалдық құндылықтарын нығайтып, елдің тұрақты дамуына жол ашатынын атап өтті.
Осылайша, Президент патриотизмді тек сөзбен емес, нақты іспен көрсету – елдің бірлігін сақтаудың және қоғамның өркендеуінің басты шарты екенін атап өтті.
