Қазақстанның Бәсекелестікті қорғау және дамыту агенттігі «Медеу» кешені маңындағы автотұрақ қызметінің бағасына талдау жүргізген.
Тексеру барысында тұрақ операторы Chimbulak Development компаниясының нарықтағы жағдайын теріс пайдалану белгілері анықталған.
Бұған дейін автотұрақта бірыңғай тариф белгіленіп, көлік қоюдың алғашқы минуттары үшін тегін уақыт қарастырылмаған. Сағатына 500 теңге тарифімен 12 сағатқа тұраққа қою құны 6 мың теңгеге, ал тәулігіне 12 мың теңгеге дейін жеткен.
Агенттік компанияға тиісті ескерту жолдағаннан кейін автотұрақ тарифтері қайта қаралған.
1 қыркүйектен бастап алғашқы 15 минут көлік қою тегін болады. Ал тәуліктік тұрақтың ең жоғары құны 4 500 теңге болып белгіленеді.
Осылайша, жаңа тариф бойынша көлігін ұзақ уақытқа қалдыратын келушілер бұрынғыдай тәулігіне 12 мың теңге емес, ең көбі 4,5 мың теңге төлейді.
