Жаңа жүйе ETA – электронды кіруге рұқсат форматында енгізіледі. Алдын ала, кемінде 72 сағат бұрын өтініш берген жағдайда төлем шамамен 3 900 теңге (725 рубль) болады деген ақпарат тарады. Ал рұқсатты шекарада немесе сапарға аз уақыт қалғанда рәсімдеу құны жоғары болуы мүмкін.
Бұл өзгеріс Қазақстан мен Ресей арасындағы визасыз режимнің жойылатынын білдірмейді. Яғни Ресей азаматтары үшін виза талап етілмейді, алайда елге кіру алдында электронды рұқсат алу қажеттілігі енгізілуі мүмкін.
Жаңа тәртіп шекарадан өтудің әртүрлі түрлеріне кезең-кезеңімен енгізіледі деп күтілуде. Алайда электронды рұқсаттың нақты құны мен оны рәсімдеу тәртібі бойынша Қазақстанның уәкілетті органдарының түпкілікті түсіндірмесі қажет.
Сондықтан әлеуметтік желілерде тараған «30 қарашадан бастап ресейліктер Қазақстанға әр кірген сайын 725 рубль төлейді» деген ақпаратты әзірге толық расталған дерек ретінде қабылдауға болмайды.
