Жаңа iPhone 18 Pro желісі A20 Pro чипімен жабдықталған. Apple мәліметінше, процессор 2 нанометрлік технологиямен жасалған және жасанды интеллект тапсырмаларын өңдеуге арналған Neural Engine жүйесі жаңартылған.
Смартфондардың негізгі камерасы да жаңарды. 48 МП камераға ауыспалы диафрагма қосылған. Бұл функция жарық жағдайына қарай объективтің параметрлерін өзгертуге мүмкіндік береді. Сондай-ақ пайдаланушыларға ысырма жылдамдығы, ақ баланс және фокус сияқты параметрлерді қолмен басқаруға мүмкіндік беретін Pro Controls функциясы ұсынылды.
Компания Dynamic Island аймағын да ықшамдаған. Енді ол бір уақытта үш Live Activity ақпаратын көрсетуге мүмкіндік береді.
iPhone 18 Pro төрт түсте ұсынылады: қара, күміс,суық ашық көкшіл-сұр және қою шарап түсті.
АҚШ-та iPhone 18 Pro бағасы 1199 доллардан, ал iPhone 18 Pro Max 1299 доллардан басталады. Алдын ала тапсырыс 12 қыркүйекте басталып, сатылым 18 қыркүйекте ашылады.
Айта кетейік, Apple бұл жолы базалық iPhone 18 моделін таныстырған жоқ. Оның тұсаукесері 2027 жылдың көктеміне қалдырылуы мүмкін.
