Қарағанды облысында жолаушылар пойызы жүк көлігімен соқтығысты. Оқиға туралы өңірдің полиция департаменті хабарлады.
24 қазанда Шет ауданындағы реттелмейтін теміржол өткелінде SHACMAN жүк көлігі мен жолаушылар пойызының соқтығысуы болды. Алдын ала мәлімет бойынша, 53 жастағы жүргізуші теміржол жолынан өту кезінде қауіпсіздік шарасын сақтамай, пойызға жол берген жоқ.
Соқтығысу салдарынан ешкім зардап шеккен жоқ. Оқиғаның мән-жайы қазір полиция тарапынан анықталып жатыр.
Бейресми мәліметке қарағанда, самосвал жүргізушісі соққыға дейін кабинадан секіріп үлгеріп, оқиға орнынан қашып кеткен. Алматы – Петропавл бағытымен келе жатқан пойыз біраз уақыттан кейін қозғалысын жалғастырды.
