АҚШ президенті Дональд Трамп Иранға қарсы жаңа операция жүргізілуі мүмкін екенін айтты. Ол бұл жөнінде Флоридада жақтастарының алдында өткен митингте мәлімдеді.
«Біз, бәлкім, тағы бір шағын “Эпичная ярость” операциясын бастаймыз. Немесе олар (АҚШ-пен келісімге — ред.) келісер», — деді Трамп.
Америкалық көшбасшы АҚШ-тың бұрынғы екі операциясын да еске салды: «Полночный молот» аясында ядролық нысандарға соққы жасалған, ал «Эпичная ярость» операциясы кезінде Ислам Республикасының аумағына 28 ақпаннан бастап Израильмен бірлескен соққылар жасалған. 5 мамырда әкімшілік операцияның аяқталғанын хабарлаған.
Трамптың айтуынша, Тегеран келісімге келуі керек. «Егер олар ақылды болса, “Іске көшейік” дер еді», — деді ол.
Осы арада Иран парламентінің ұлттық қауіпсіздік және сыртқы саясат жөніндегі комиссия мүшесі Феда-Хосейн Малеки Тегеран АҚШ-пен келіссөз өткізу мүмкіндігін қарастыруға дайын екенін, егер Вашингтон Исламабад меморандумын орындауға қайта оралса, бұл мәселе талқыланатынын айтты.
«Мен бұған дейін айтқанымдай, Иран меморандумды орындауды кез келген келіссөзді бастау шарты ретінде қояды… Келіссөзге келсек, америкалықтар меморандумды орындауға қайта оралса, біз бұл мәселені қараймыз», — деді Малеки.
Оның айтуынша, АҚШ пен Израиль қандай да бір әрекетке барса, Иранның жауабы «қатал» болады.
