Сондай-ақ ол аралдың тәуелсіздігін қолдайтын сепаратистік күштердің әрекетіне Пекиннің жол бермейтінін айтты.
Си Цзиньпин бұл туралы Бейжіңдегі Халық жиналысы үйінде өткен салтанатты жиында сөйлеген сөзінде мәлімдеді. Іс-шара Қытай Республикасының алғашқы президенті Сунь Ятсеннің туғанына 160 жыл толуына орай ұйымдастырылған.
ҚХР төрағасының айтуынша, Тайвань мәселесін шешіп, елдің толық ұлттық тұтастығын қалпына келтіру – Қытай Коммунистік партиясының тарихи миссиясы әрі бүкіл қытай халқының ортақ мақсаты.
Ол Тайвань тәуелсіздігін жақтайтын күштердің сепаратистік әрекеттеріне қарсы тұру қажеттігін атап өтті. Си Цзиньпин бұғаздың екі жағалауындағы тұрғындарды, сондай-ақ Қытай ішінде және шетелде тұратын отандастарын ұлттық бірлікті қолдауға шақырды.
Сонымен қатар Қытай басшысы Тайвань бұғазы арқылы өтетін қарым-қатынастарды бейбіт жолмен дамыту маңызды екенін жеткізді.
Си Цзиньпиннің сөзінше, болашақта Тайвань Қытаймен біріккен жағдайда, Бейжің аралдағы қалыптасқан жағдайды, жергілікті халықтың мүдделері мен сезімдерін ескеруге дайын.
