Жүргізуші дабыл қағып, демалып жүрген тұрғындардың тыныштығын бұзған. Күзетші ескерту жасаған кезде, жүргізуші көліктен шығып, оған жұдырық ала жүгірген. Күзетші жерге құлағаннан кейін де шабуылдаушы оны ұруын тоқтатпаған. Тек тұрғындардың араласуымен ғана оқиға тоқтатылды.
Жантүршігерлік оқиғаға кешен тұрғындары, оның ішінде балалар да куә болды. Соққыға жығылған күзетші ауруханаға жеткізілді. Оның қазіргі жағдайы нақтыланып жатыр.
Полицияның мәліметінше, күдікті ұсталды.
«Бостандық ауданының полиция басқармасы аталған факті бойынша қылмыстық іс қозғады. Қазір тергеу амалдары жүргізіліп жатыр», — деп хабарлады Алматы қалалық полиция департаментінің баспасөз қызметі.
