Соңғы бір тәуліктің өзінде нөсер жаңбыр, су тасқыны және соның салдарынан болған сел жүрістерінен 6 адам қаза тауып, 7 адам жараланған.
Табиғи апат Кабул, Каписа, Парван, Панджшер, Пактия, Пактика, Хост, Заболь, Майдан-Вардак, Урузган, Гор, Бадгис, Сари-Пуль, Саманган, Фарьяб, Баглан, Бадахшан, Кунар және Лагман провинцияларын қамтыды.
Соңғы тәулікте су тасқыны салдарынан 139 тұрғын үй толықтай қирап, тағы 394 ғимаратқа жартылай зақым келген. Осы кезеңде мыңнан астам отбасы зардап шеккен.
Ауғанстанның Бас метеорологиялық басқармасы алдағы күндері елдің 34 провинциясының 33-інде қатты жаңбыр мен су тасқыны болады деп болжап отыр. Бұл жағдайдың одан әрі ушығуына әкелуі мүмкін.
