2025–2026 оқу жылының басындағы деректерге сәйкес, елімізде ерекше білім беру қажеттіліктері бар 237 мыңнан астам бала тіркелген. Қазіргі таңда олардың шамамен 90%-ы арнайы қолдау шараларымен қамтылған.
Жыл соңына дейін бұл көрсеткішті 95%-ға дейін жеткізу жоспарланып отыр. Бұл бағытта арнайы білім беру ұйымдарының желісі кеңейіп, бүгінде олардың саны 539-ға жетті. Олардың қатарында психологиялық-медициналық-педагогикалық консультациялар, түзету кабинеттері мен оңалту орталықтары бар.
Сонымен қатар педагог-ассистенттер қызметінің енгізілуі оң нәтижесін берді. Соның арқасында үйде оқитын балалар саны 11%-ға азайып, шамамен 2 мыңға жуық оқушы мектеп қабырғасына қайта оралды.
