Қазіргі Қазақстан экономикасының тұрақтылығы энергетика саласының дамуымен тығыз байланысты. Өңірлердің өндірістік әлеуеті, инфрақұрылымның қуаты мен тұрғындардың тұрмыс сапасы – барлығы энергиямен қамтамасыз етуге тәуелді.
Энергетика ардагері Мұхамбетқали Қалиев былай дейді:
«Бүгінде энергия тиімділігін арттыру, баламалы қуат көздерін дамыту – басты бағыттардың бірі. Бұл тек экологиялық тұрғыдан емес, экономикалық тиімділік тұрғысынан да өзекті».
Елде күн және жел электр станцияларының саны артып келеді. Сонымен қатар ескі желілерді жаңғырту, энергия шығынын азайту жұмыстары да жүргізілуде. Сарапшының пікірінше, өңірлік энергетикалық теңгерімді сақтау – индустриялық даму кепілі.
