Сондай-ақ билік халыққа қолжетімділікті арттыру және туризмді дамыту мақсатында әлеуметтік маңызы бар 23 әуе бағытын субсидиялау бағдарламасын жалғастырады.
«2026 жылы Астана мен Шымкент әуежайларында екінші ұшу-қону жолақтарының құрылысы басталады. Алматыда ішкі рейстер терминалы қайта жаңғыртылады, ал Ақтау әуежайында перронға күрделі жөндеу жүргізіледі», — деді Салтанат Томпиева.
Халықаралық әуе қатынасына келсек, Орталық Азия және ТМД елдеріне рейстерді ашу және қайта жандандыру, сондай-ақ ұшу жиілігін арттыру көзделіп отыр.
Бұдан бөлек, Еуропа, Азия және Таяу Шығыс бағыттары бойынша да рейстер орындалады. Олардың қатарында Вена, Токио, Рим, Абу-Даби, Эр-Рияд, Даммам, Ларнака, Амман, Сиань, Шанхай, Үрімші, Қашғар және Варшава қалалары бар.
