Үкіметте Дүниежүзілік банкпен әріптестіктің жаңа Рамалық стратегиясы талқыланды. Құжатқа сәйкес, халықаралық қаржы ұйымы Қазақстанды алдағы алты жыл бойы жыл сайын $1 млрд-қа дейін қаржыландыруы мүмкін.
Қаражат инфрақұрылымды дамытуға, жеке секторды қолдауға, көлік пен энергетиканы жаңғыртуға, су ресурстарын басқаруға және климаттық жобаларды іске асыруға бағытталмақ. Сонымен қатар реформаларды талдамалық сүйемелдеу жалғасады.
Алдыңғы серіктестік кезеңінде (2020–2025 жылдар) жалпы құны $4,2 млрд болатын 14 жоба жүзеге асырылды. Олардың қатарында «Батыс Еуропа – Батыс Қытай» дәлізін дамыту, ирригация жүйесін жаңғырту және шағын және орта бизнесті қолдау жобалары бар.
